1686 kum ah an rak thawk i kum 337 chung an kalpi cangmi rampi thlacam ni (Store bededag) cu hmai kum 2024 in cun a um ti lai lo. Atu kum May thla ni 5 khi a donghnak ah hman asi lai. Hi Store bededag cu rian le sianginn vialte khar dih in Denmark rammi dihlak idin ni ah tuahmi asi. Sihmanhsehlaw atu lio cozah le Radikale Venstre parti hna nih riantuan ni sawhsawh (almindelig arbejdsdag) bantukin siseh tiah Folketinget ah thimfung an thlak caah mitam deuh hnatlaknak in Store bededag cu official in hrawh asi cang. Cozah dohtu (opposition) parti dangdang; SF, Danmarksdemokraterne, Enhedslisten, Dansk Folkeparti og Nye Borgerlige hna nih hrawh lo dingin fak piin an dirkamh nain an tei kho hna lo.