Tangka man a tum (inflation) ruangah cozah lei nih mipi caah bomhnak zeimaw tuah dingin hnatlaknak an ngei. Cu bomhnak cu inflationshjælp tiin an auh i a tanglei bantuk hin tuah le tawlrel dingin in hnatlaknak an ngei. 

1. Mei (el) man ah kan liam chih zungzalmi ”elafgiften” cu January thla in June thla tiang thumh chung ding. Hi elafgiften cu a tu lio ah 69,7 øre per kWh in pek asi i January in 0,8 øre per kWh tiang thumh dingin hnatlak asi. 
2. Caan karlak chung ngakchia bomhnak kaiter ding (børnechecken). Ngakchia a ngeimi chungkhar poah cu ngakchia pakhat ah 660 kr. chap dingin hnatlak asi. Hihi January thla in thawk dingin hnatlaknak an ngei.

Hihi a biapi deuhmi hnatlaknak an ngeimi cu asi. Hi pinah a dangdang hnatlaknak an ngeimi zong a um i a tanglei pawl hi an si:

• A lummi peknak caah khangh mi thing (træpiller) tlamtling deuh in kuat khawhnak ding
• Inn a caw/ngeimi le virksomhed a ngeimi caah vawlei man le a dangdang pekmi kongah tuaktan piak ding
• Gas le olie hmangin inn lumtermi pawl thing (træpiller) hmangin in lumter khawh dingin bomhnak tuah ding

A dangdang a um rih nain kanmah he aa petlaih deuhmi cu hi vial tu in si rih sehlaw.