2019 ah an rak thawk mi caan karlak caah ngakchia bawmhnak (det midlertidige børnetilskud) an tuah mi cu atu kum March thla nikhat (1. marts 2023) ah donghter asi. Hi bawmhnak pehzulh le pehzulh lo nak kongah fiang tein an chim kho rih lo. Cozah le parti dang tampi nih ”phaisa man a tum ruangah bawmhnak tuah dingmi (inflationshjælp)” kong iceihtinak le hnatlaknak zeimaw an ngei. Hi ”inflationshjælp” chungah ngakchia a ngeimi chungkhar a harsa deuhmi bawmh ve ding timi cu an lung a tling. Sihmanhsehlaw zei bantuk chungkhar hna dah kan bawmh hna lai ti kha hnatlaknak an ngei kho lo. Cucaah a hnu deuh ah ceih than dingin tuaktan than asi.  

Inflationshjælp caah phaisa (budget) chiahmi dihlak cu 2,4 milliarder (billion) kroner asi. Hi chungah tam lak te cu kum upa lei bawmhnak (ekstra ældrecheck) minung pakhat 5000 kr. cio ah a kal lai. Cun virksomheder pawl nih A-skat le AM-bidrag pek rih lo dingmi le sii (medicine) tampi a hmang i phaisa tampi a dihmi pawl bawmhnak ah a kal lai. Zeitin dah hi 2,4 milliarder kroner cu an thenphawtning asi ti kha tlamtling tein theih duh ahcun a tanglei bantuk hin asi.

Aftalens hovedpunkter

• 5000 kroner ekstra til modtagere af ældrechecken (1,2 milliarder kroner) 
• Hjælp til udsatte børnefamilier (300 millioner kroner) 
• Civilsamfundspulje til hjælp til udsatte familier (100 millioner kroner) 
• Udskydelse af betaling for A-skat og AM-bidrag for virksomheder (315 millioner kroner) 
• Ekstra midler til afkoblingsordningen og fjernvarmepuljen (200 millioner kroner) 
• Ekstra tilskud til borgere med høje medicinudgifter (125 millioner kroner) 
• Støtte til mindre købmænd (75 millioner kroner)
• Forhøjelse af standardfradraget til dagplejere (50 millioner kroner) 
• Hjælp til borgere i udsatte positioner (25 millioner kroner) 
• Støtte til udsatte energiintensive kulturinstitutioner (15 millioner kroner) 
• Aftalepartierne er endvidere enige om at prioritere 350 millioner kroner fra Landsbyggefonden til midlertidige huslejenedsættelser i almene boligafdelinger i 2023. 

Hi bawmhnak (inflationshjælp) kong an iceihti lio ah ngakchia bawmhnak kongah parti pakhat le pakhat ruahnak tampi an idang i fak ngaiin bia ielnak a chuak. A ruang cu sifah deuh chungkhar caah tuahmi asi i Danmark ramah sifah deuh chungkhar hna cu ramdangmi deuh kan si. Cucaah ramdangmi sinah bawmhnak pek ding kha ”blå partier (ramdangmi a duh tuk lomi parti hna kha)” pawl nih an duh lo. Dansk Folke parti formand, Morten Messerschmidt, nih fiang ngaiin a chimmi cu ”ramdangmi longte umnak (ghetto) hmun ah bawmhnak cu a kal lai lo, Danmark ngakchia sinah a kal lai” tiah a chim. Khat lei in Radikale Venstre hruaitu, Martin Lidegaard, nih a chim ve mi cu ” Hi bawmhnak cu takvun a zawng (rong) zoh in tuah asi lai lo” tiah a dirpi ve. Hnatlaknak an tuah kho lo caah Beskæftigelsesministeriet zungah zohfelnak an tuah hmasat hnu ah zoh le iceihti than asi lai.

———————— END —————————

https://fm.dk/nyheder/nyhedsarkiv/2023/februar/regeringen-indgaar-bred-aftale-om-inflationshjaelp/

https://fm.dk/media/26786/aftaletekst-om-inflationshjaelp.pdf

https://nyheder.tv2.dk/politik/2023-02-10-der-venter-en-slaaskamp-forude-siger-politisk-redaktoer

https://nyheder.tv2.dk/politik/2023-02-10-faa-overblikket-her-er-inflationshjaelpen-til-danskerne