Danmark thongpang tlawmpal in kan vun langhter than lai. Kan theih cio bangin Danmark rampi thimnak (folketingsvalget) cu November ni 2 ah khan rak tuah asi cang. Nain cozah tuah an ihar ngai caah a tu longah an vun ilim khawh i statsminister le a dangdang minister rian (post) vialte zong an ithim khawh dih cang. Tutan cozah an serning cu kum dang bantuk siloin phun dang ngaiin an ser. A pakhatnak aa dang ngaimi cu Socialdemokratiet (S) parti nih amah a ral ngan bik asi zungzaltu Venstre (V) le cu chungin a chuak chinmi Moderaterne (M) parti hna he cozah an serti. Cucaah cu parti pathum komh in sermi cozah cu SVM-regering (SVM-cozah) tiah an auh. Hihi kum dang ah a um bal theng lomi asi. Cun pahnihnak aa phundang ngai rihmi cu parti a ngan bikmi pathum bak an ifonh i parti hme tampi cu hnu an chit hna. Socialdemokratiet zong nih amah lei a dir zungzal i amah a bomtu le a dirkamhtu parti a rak si tawnmi parti hna kha hnu a chit hna i Venstre zong nih cu ve thiam in a tuah hna. SVM-cozah caah minister rian (post) an iphawt ning cu: S parti chung minung 11, V parti chungin minung 7, cun M parti chungin minung 5. Minister pawl an min, an post le an sining kong hika tang link ah zoh khawh asi lai. Cozah thar an ser tik paoh ah thil tampi an thleng lengmang i tutan zongah thil tampi an thleng rih ko lai. Kan caah a thami thilthar a um kho bantukin duh lomi tete zong a um kho ve thiam ko lai. 

https://nyheder.tv2.dk/politik/2022-12-15-her-er-svm-regeringens-ministre

**************************** END *************************************